Я люблю чытаць, як жыжысты рэфлексуюць з нагоды жж.
Многія пішуць, што яны цярпець ня могуць пасты ў рэжыме копі-паст, розныя навіны, самакапанні, тупыя фоткі. Іншым наадворот нецікавыя лытдыбры.
А я вось чо думаю. У мяне ў сябрах самыя розныя людзі. Ад тысячнікаў да дзесятачнікаў. І ўсе яны цікавыя мне па-рознаму.
Возьмем, напрыклад, тысячнікаў. Ёсьць некалькі спосабаў стаць тысячнікам.
1. Посьціць розныя падборкі фатаздымкаў і карцінак. Сярод іх мае любімыя lamma_mamma , katoga , olgavetrova 
2. Посьціць розныя кур'ёзныя выпадкі і навіны з прыкольнымі фатаздымкамі. У мяне ёсьць адзін такі durakdurakom. Ці проста знайсьці сваю нішу ў жж-журналістыцы, як гэта зрабілі budimir , burbalka , zmagarka 
3. Посьціць нешта такое агульнажаночачалавечае крэатыўнае, іх у мяне зусім мала muha_elka , miumau , rikki_t_tavi 
4. Проста быць шырока вядомай асобай у вузкіх колах abrykos , adam_hlobus , andrej_voronin , annahonda , khadanovich , maryjka_ , ul_sciapan , bakushinskaya  
Вядома, ёсьць мноства розных прычын, але чорт з імі.
Адзінае, што заўважыла:  каменціць тысячнікаў амаль бессэнсоўна, усё адно твой камент загубіцца сярод тысячы іншых каментаў. Проста чытаю, гляджу і атрымліваю асалоду. Яшчэ ў мяне часам такое адчуванне, што вось гэтыя тысячнікі часта ў разгубленасьці: хто ўсе гэтыя людзі? Мне іх шкада часам.

Сяброў, якіх я ведаю ў жыцьці, я ніколі не прагортваю, мне заўжды вельмі цікава супастаўляць два ўражаньні, якія яны робяць на мяне ў жыцьці і жж-жыцьці. Але некаторыя фрэнды, якія пераважна пішуць лытдыбр, для мяне ўжо сталі амаль вось такімі блізкімі, як і рэальныя знаёмцы. Ага, лытдыбры я люблю, толькі іх яшчэ трэба ўмець пісаць:) Натуральна з большай увагай стаўлюся да тых, хто мяне каменціць. Для мяне вельмі важная зваротная сувязь, я тады больш рэльефна  ўяўляю асобу.

Ага, пра навіны і копі-паст. Успрымаю толькі, калі ўсё гэта пададзена праз прызму свайго ўласнага ўспрыняцьця, калі навіна ці нечы пост спарадзіў у аўтара нейкую думку, развагу, успамін. Каб за навіной была бачная асоба.

Люблю, калі вывешваюць  людзі вынікі сваёй творчасьці.  Мая стужка - гэта своеасаблівы мікс мастацкай галерэі, літаратурнай кавярні і хэнд-мэйд крамы.

Адным чынам мне сярод вас вельмі ўтульна:)